pahle kuchh din mere zakhmon ki numaish hogi phir mere haal pe us but ki nawazish hogi han ba-zahir to dhara jaega qatil lekin pas-e-parda usi qatil ki sifarish hogi pyasi dharti yunhi pyasi hi rahegi yaro aur dariya pe musalsal yahan barish hogi jis tarah tute hue patte bikhar jate hain hum bikhar jaen usi taur ye sazish hogi kis ko malum hai jo raaz-e-mashiyyat hai 'obaid' jaane kis baat pe kis shakhs ki bakhshish hogi