pahle to na thi itni tab-o-tab ghazal mein kaam aa gai gham-khwari-e-ahbab ghazal mein dil par se tere gham ka abhi abr chhata hai chamka hai teri yaad ka mahtab ghazal mein yaron ko kisi taur bhi nashsha nahin hota jab tak ki na shamil ho mai-e-nab ghazal mein jis se khalish-e-dard ka aaghaz hua hai raqsan hai wahi paikar-e-simab ghazal mein har misra-e-tar takhta-e-gulzar ki surat rangon ki hai ek wadi-e-shadab ghazal mein go dard ke izhaar ki aadat to nahin thi pina hi pada hum ko ye zahr-ab ghazal mein asnaf-e-sukhan aur bhi ai dost bahut hain rangin hai meri zist ka har bab ghazal mein