paigham-e-zindagi hai khushi ki nawed hai mere liye to aap ka didar id hai kis ne kaha hai zist mere nam kijiye do pal bhi sath aap ka id-e-said hai ek aarzu hai aap mere ham-safar banen ta-umr dekhti rahun ye shauq-e-did hai dil dub jaega mera barish mein pyar ki sailab-e-ishq aane ki shayad shunid hai har waqt mere lab pe rahi hai yahi dua mil jae wo ki jis ka mera dil murid hai baithe hain but bane hue aise wo samne hone ko ab nigah se guft-o-shunid hai be-shak 'sabila' main ne raqam ki hai hai dastan lekin naya khayal hai lahja jadid hai