palte kahan jo wadi-e-ibham tak gae
kazib tariq-e-majma-e-kohram tak gae

har ek thakan ko odh ke khaki wajud par
hum zindagi ko khojne anjam tak gae

dawa tha jin ka shahr mein ki parsa hain hum
un ke qadam bhi kucha-e-dushnam tak gae

qail karun main kis tarah us bad-guman ko
jab ki safir hujjat-e-itmam tak gae

'tabish' ye ahl-e-aql ke samraat hi to hain
jahil junun mein harba-e-hangam tak gae