pamal-e-khiram-e-naz kije
thukraiye sarfaraaz kije

dil tum ne liya zaban de kar
aashiq ka na fash raaz kije

soz-e-tap hijr ka ye hai hukm
tan sham-e-sifat gudaz kije

mahmud hua hai husn sahab
pahle mujh ko ayaz kije

ho koi qaza jo baada-khwaro
bhatti pe ada namaz kije

kahta hai ye naz-e-dil-rubai
ai aashiqo jaan niyaz kije

na-saz zamane ka nahin gham
han kar zamana-saz kije

ghairon se to hai 'waqar' behtar
ab aap bhi imtiyaz kije