patthar ka wo shahr bhi kya tha
shahr ke niche shahr basa tha

ped bhi patthar phul bhi patthar
patta patta patthar ka tha

chand bhi patthar jhil bhi patthar
pani bhi patthar lagta tha

log bhi sare patthar ke the
rang bhi un ka patthar sa tha

patthar ka ek sanp sunahra
kale patthar se lipta tha

patthar ki andhi galiyon mein
main tujhe sath liye phirta tha

gungi wadi gunj uthti thi
jab koi patthar girta tha