pher dete hain rukh wo tufan ka
kyon sahaara na lun main daman ka

tere aane se aa gai hai bahaar
bakht jaga hai shahr-e-viran ka

jaan-o-dil us ki did ke mushtaq
wahi mahbub hai dil-o-jaan ka

jis ke bande qaza mein udte hain
main bhi hun banda us sulaiman ka

us ka chehra dikha raha hai hamein
sara manzar hi ek gulistan ka

kaisi iqlim mein muqim hain hum
aadmi wan na ja sake yan ka

us ke mahzar main kya bayan karun
wo to bina hai haal-e-pinhan ka

jis ko dala tha qaid mein 'sabir'
shahzada tha wo to iran ka