aisa bhi kya ho sakta hai
hansne wala ro sakta hai

rota hun ki dagh ye dil ka
ashk-e-nadamat dho sakta hai

jis ne duniya-dari chhodi
marzi se wo so sakta hai

raazi hun qismat par lekin
marzi se kuchh kho sakta hai

bachchon jaisa dil hazir hai
kuchh bhi achchha bo sakta hai

bakhiya-gar kya khwab kisi par
ek tabir piro sakta hai

zabt se rukne wala 'sabir'
aansu patthar ho sakta hai