puchh lo tum chahe jis se ye mera kirdar hai
sab se jhuk ke milta hun aur sadgi se pyar hai

kal talak to aap malik the dukan-e-‘ishq ke
ab suna hai aap ka nafrat ka karobar hai

bil-yaqini hai muqaddar ka dhani mera raqib
phul hai pahlu mein us ke mere pa mein khar hai

ek din aaega tu meri 'ayaadat ke liye
bas isi ummid mein zinda tera bimar hai

zindagi ko zindagi se chhin kar zinda na rakh
zindagi ko dene wale zindagi dushwar hai