qarib aa ke bhi koi kahe nahin milna
sabhi se hath milana gale nahin milna

tumhaare chhod ke jaane se main ne sikha hai
jo dher shauq se aae use nahin milna

tere baghair guzarte hue dinon ki qasam
ye din guzar bhi gae to tujhe nahin milna

zara si der mein insan sikh jata hai
ki kis se duri bhali hai kise nahin milna

mahal mein gunji hai aawaz shahzade ki
gale lagao mujhe phir samay nahin milna