qarib aao gulon ki barsat ho rahi hai
hamari hi kaenat mein baat ho rahi hai

nazar nahin hat rahi hai chehron se donon ki aaj
ki ba'd muddat ke phir mulaqat ho rahi hai

sabhi ke iman aaj khauf-o-hiras mein hain
ki har taraf kufr ki mudaraat ho rahi hai

kahan chale sham dil-nashin dil ghariq-e-ulfat
hun main akeli na jao jaan raat ho rahi hai

hai mujh se naraaz dewi har ek khair-o-shar ki
ye dewiyon se hi sharh-e-haalat ho rahi hai

khudara chhodo na sath mera ye hai guzarish
ki bazi jiti hui meri mat ho rahi hai