qismat asir-e-zulf-e-girah-gir ho gai zulmat mein ghir ke mehwar-e-tanwir ho gai manzar tha dil-fareb lab-e-ju ka sham ko phir kyon janab aane mein takhir ho gai mahke gulab chhai ghata chhitki chandni kaisi jamal-e-yar ki tafsir ho gai us ka ajab mizaj hai chhoti si baat par abru bane kaman nazar tir ho gai 'anjum' khuda ke fazl se mujh kam-sawad ki arbab-e-ilm-o-fazl mein tashhir ho gai