samne aa ke bhi chupke se nikal jate hain hae kya log hain kis tarah badal jate hain kasmasata hua badli mein qamar lagta hai un ke gesu jo kabhi rukh pe machal jate hain ranj-o-gham dard-o-musibat ke hain khugar kitne garmi-e-husn se kuchh log pighal jate hain is qadar nam mein un ke hai nashe ki lazzat jam-o-paimana o mai-khana machal jate hain gham na kar manzil-e-maqsud milegi 'anjum' thokaren kha ke bahut log sanbhal jate hain