rah kar zamin pe chand k didar ke liye daftar mein din guzarte hain itwar ke liye itna to masala bhi na tha jitna shor hai bas bhid jut gai hai ye be-kar ke liye be-wajh khinch tan mein kashti dubo gae jab ki sabhi ko jaana tha us par ke liye bas haal-chaal ka ye dikhawa na kijiye rab tak duaen bhejiye bimar k liye aankhon ko rab ne is liye binai saunp di jis se ho ek aaina didar ke liye phir yun hua ki hum ko kabhi waqt nahin mila jab se ghadi kharid li diwar k liye qisse mein jang aai to qurban ho gae payaade lade the aakhiri kirdar ke liye