rahbar rah-numa koi nahin hota hai rah-e-ulfat mein saga koi nahin hota hai mujh ko khalwat mein bhi tum yaad nahin aate ho khud pasandi se bura koi nahin hota hai dukh ke mausam mein dilase ke liye mere sath ya to main hota hun ya koi nahin hota hai hum yatimon ko dua ras nahin aati hain hum yatimon ka khuda koi nahin hota hai koi saya na koi phul na panchhi koi sukhte ped ka kya koi nahin hota hai us se bichhda to mujhe bhul gai khalq-e-khuda ghar se niklon ka pata koi nahin hota hai