rahi dil ki dil mein zaban tak na pahunchi
mohabbat ki duniya bayan tak na pahunchi

basera raha us ka sehn-e-chaman mein
magar ye bahaar aashiyan tak na pahunchi

unhen khwab mein bhi na dhyan aaya mera
ye ruh-e-haqiqat guman tak na pahunchi

shab-e-gham mera dil tha suli pe lekin
tamanna sarishk-e-rawan tak na pahunchi

bahaaron ka to zikr hi kya karun main
gulistan-e-dil mein khizan tak na pahunchi

tasawwur se aage takhayyul se aage
mere dil ki wahshat kahan tak na pahunchi

rahi mahw tauf-e-chaman 'barq' aksar
magar wo mere aashiyan tak na pahunchi