rang badla badan kya se kya ho gaya
qatra qatra lahu kimiya ho gaya

kya gali kaisa aangan kahan farq tha
ek diwar se faisla ho gaya

ungliyan did ka lams thin aan mein
raaz tha muttasil rasta ho gaya

mujh ko chhoda tha tanha shajar jaan kar
ab na dhundo ki jangal ghana ho gaya

duriyan qurbaton ki nigahban thin
pas kya aa gaya fasla ho gaya

hum jo tyre ka puncture judane lage
car se wo utar kar hawa ho gaya

lams ka ek pal shoalagi pa gaya
band aankhen rahin samna ho gaya