raat be-tarah dhadka aasman ka sina
kahkashan sirhane thi tutta tha aaina

saya saya utra hai khauf aasmanon se
ku-ba-ku bhatakti hai ek hawa-e-na-bina

pad gaya hai dam lene manda-e-nafas koi
khwab-sokhta lamhe khak bistar-e-kina

bawdi hawaon mein tutne se gumbad ke
dekhiye kahan pahunche ab khula hua zina

phut phut kar tanha roi aabla-pai
har qadam pe ruk ruk kar rah ka lahu pina

ug rahi hain aankhon mein aarzu ki chattanen
rassiyon mein shal bazu shang kohkan jina

kar-zar dam le le munjamid hai bu-e-khun
baj chuke rabab-o-daf chup hai qulqul-e-mina