raste lapet kar sabhi manzil pe lae hain khoe safar hi bandh ke sahil pe lae hain pahle to dhundh-dhandh ke lae wajud ko aur phir hanka ke zat ko mahmil pe lae hain uthti hai har furaat mein ek mauj-e-iztirab jab bhi wo karwan rah-e-qatil pe lae hain sahil ki ret se kabhi jis ki bani nahin us ko samundaron ke muqabil pe lae hain dil dar gaya tha wasl ki hiddat ko soch kar izn-e-khayal ko rah-e-kaamil pe lae hain