resham zulf ke tar bhi baaten karte hain
us ke to rukhsar bhi baaten karte hain

itna waqt main deta hun us ladki ko
ab to mere yar bhi baaten karte hain

sau afsane ban jate hain donon ke
hum donon do chaar bhi baaten karte hain

har ek sher nahin ho sakta achchha sher
shair kuchh be-kar bhi baaten karte hain

itne zakhm dikhata hun main aae din
mujh ko to gham-khwar bhi baaten karte hain