rifaqat ko kisi ki ro rahi hun bhari mahfil mein tanha ho rahi hun har ek chehra badalta ja raha hai main khaif aainon se ho rahi hun suno main zindagi ki zulmaton mein sadaqat ke ujale bo rahi hun hawa ke dukh ki chadar odh li hai bichha kar aansuon ko so rahi hun meri mitti ko shayad narm rakkhen lahu se lafz likh kar bo rahi hun bujha kar sari khushiyan baam-o-dar ki main ek viran ghar mein so rahi hun