ruk dekh yar khinch le taswir waqt par akhrot todti hai gilahri darakht par shayad kahin se abr-e-karam ka zuhur ho dariya pe ek aankh laga ek dasht par khidki mein subh wadi-e-kailash ka zuhur utre awadh ki sham kisi roz takht par rath se hatheliyon pe utarti are ghazab makhmal ghasitti hai zamin-e-karakht par gul surkh rang ghas hari nilgun falak ai kirdgar shukr tere bandobast par takhliq ka tilism kabhi dekhne chalen hum aakhiruzzaman bhi hain bab-e-alast par