saba ki khak-nawardi subu ki virani tumhaare baad hui aarzu ki virani tere baghair mere hausle zawal-pazir tere baghair meri justuju ki virani shumar-e-umr-e-gurezan hisab-e-taat-o-zohd wazu ki khana-puri thi lahu ki virani har ek dasht purana sarab-e-jaan ki tarah har ek shahr naya aabru ki virani tumhaare sath se mere sukhan ki shirini tumhaare baad meri guftugu ki virani tamam raat sarab-e-safar ka dhadka tha tamam raat thi ek ha-o-hu ki virani