saba ne kan mein aa kar kaha mile hi nahin
hasin log tere ganw mein rahe hi nahin

hamein kya ilm ki kya shai hai aabla-pai
hum apne kamre se bahar kabhi gae hi nahin

hamein bachane pe raazi tha ek jahan magar
phir ek mod wo aaya ki hum bache hi nahin

tamam shahar ne mil-jul ke kar liye taqsim
ye hadsat mere yar jab tale hi nahin

mujhe girane pe aandhi ka zor tha kitna
mere lagae hue ped to gire hi nahin