sabhi ne chhod diya mujh ko darkinar kiya
tumhaare baad mere zakhm ne ubhaar kiya

khuda ki rah mein karbal mein di gain jaanen
wahan pe maon ne bachchon ko bhi nisar kiya

tamam log the maujud aur main bhi tha
na jaane kis ka wahan sab ne intizar kiya

kisi ne pyar se hum ko wafa sikhai thi
sabab yahi hai ki har ek pe eatibar kiya

mila tha hukm khuda se gunah mat karna
kaha gaya tha magar hum ne bar bar kiya