kaga bole man ke sune aangan mein
kajal bhige to rang utre jiwan mein

jaane kaun chura leta hai darshan mein
har pal jo aakirti rahti hai man mein

tu kis des gai sat-rangi phul khila
dil ab bhi phirta hai tere madhuban mein

man ki komaltaen bandhi jati hain
aakhir banjare lafzon ke bandhan mein

kya hai sachche premi ke man mandir mein
ho panghat ki ichchha puri sawan mein

sundar sundar mukhda dekha 'yahya' ji
subhen kho jaen nainon ke darshan mein