sabr aata hai judai mein na khwab aata hai
raat aati hai ilahi ki azab aata hai

be-qarari dil-e-betab ki khali to nahin
ya wo khud aate hain ya khat ka jawab aata hai

munh mein waiz ke bhi bhar aata hai pani akasr
jab kabhi tazkira-e-jam-e-sharab aata hai

kis qayamat ki ye aamad hai khuda khair kare
fitna-e-hashr bhi ham-rah-e-rikab aata hai

rind-e-mashrab koi 'bekhud' sa na hoga wallah
pi ke masjid hi mein ye khana-kharab aata hai