sach ke izhaar ka sheron ko bahana jaana
bach rahe yun ki zamane ne fasana jaana

sakht matub rahe aur khata itni thi
jo khuda na tha use hum ne khuda na jaana

is qadar bhi na jari the ki ulajhte sab se
shor-e-shab-khun ko magar bang-e-dara na jaana

ab ke ilzam laga hum pe khuli aankhon ka
jo nazar aaya use us se siwa na jaana

kam hi milte ho magar ye hai yaqin ka aalam
hum ne pal-bhar ko tumhein khud se juda na jaana

main wo na-shukr ki har bar mulaqat ke baad
main ne har lamha-e-furqat ko zamana jaana

rahm khate hain hain mere haal pe ahl-e-duniya
main ne iman ko duniya mein khazana jaana