sadqe tere hote hain suraj bhi sitare bhi
hum kis se kahen dil hai sine mein hamare bhi

ta subh gire aansu aur aankh nahin jhapki
is baat ke shahid hain dube hue tare bhi

dil kho ke mila hum ko jo kuchh wo bahut kuchh hai
is ishq ki bazi mein hum jite bhi haare bhi

jo kuchh tha mere dil mein main ne to kaha tum se
ab tum bhi kaho jo kuchh hai dil mein tumhaare bhi

kyun bahr-e-mohabbat mein hai khauf-e-ajal 'natiq'
marne ko to marte hain dariya ke kinare bhi