safar ki dhup mein chhanw mein kaun rahta hai
hamare sath duaon mein kaun rahta hai

talash kis ki hai kis ke liye safar mein hun
gali mein shahr mein ganw mein kaun rahta hai

tamam umr raha sath yaad ka mausam
udas rut ki hawaon mein kaun rahta hai

andhera lakh bada ho wo khatm hota hai
shama ki lau mein shuaon mein kaun rahta hai

bache hue ho bhala nazar-e-bad se kaise 'shakil'
batao man ki duaon mein kaun rahta hai