safar mein kyon na safinon ke baadban khule mujhe batana agar tum pe dastan khule talash-e-mah-o-kawakib se kya milega tujhe tu khak odh ki tujh par ye khak-dan khule ye kis maqam pe tuta hai an-kahi ka fusun hamare zakhm hawaon ke darmiyan khule kisi ke nam pe tadpi hain dubti nabzen gham-e-nihan ke dam-e-akhrin nishan khule sipah-e-shahr-e-khamoshan ko hukm-e-hakim hai wahin pe qabr bana do jahan zaban khule