safed phul mile shakh-e-sim-bar ke mujhe khizan ko kuchh na mila be-libas kar ke mujhe thi dasht-e-khwab mein ek teri justuju mujh ko ki tujh se shikwe hazaron the umr-bhar ke mujhe main apne nam ki takhti mein tha sharir hawa gali mein phenk gai be-nishan kar ke mujhe ab is nagar mein to kuchh bhi nahin hai ruk jao sadaen dete phiro ge gharon se dar ke mujhe mujhe yaqin na mili tujh ko daulat-e-bedar mujhe ye wahm mile dher sim-o-zar ke mujhe kabhi gale na lagaya mujhe magar phir bhi tawaf karne pade shahr-e-be-samar ke mujhe