sahar na hath lagi sau sitare chhu aae
dua karo hamein aadab-e-justuju aae

ajib raushni dar aai hai dariche se
purane zakhm se yak-lakht jyun lahu aae

batao gor-kano! ek ghar bana doge?
ki jis mein khwab na chehra na aarzu aae

wo tara tuta idhar mail likh raha hun tujhe
pa tera nam na chehra na yaad tu aae

chatakh ke tutna aadat hui hai chehre ki
aur us pe shauq ki aaina ru-ba-ru aae