sahr-e-gah-e-id mein daur-e-subu tha
par apne jam mein tujh bin lahu tha

ghalat tha aap se ghafil guzarna
na samjhe hum ki is qalib mein tu tha

chaman ki waza ne hum ko kya dagh
ki har ghuncha-dil par aarzu tha

gulo-aina kya khurshid-o-mah kya
jidhar dekha tidhar tera hi ru tha

karoge yaad baaten to kahoge
ki koi rafta-e-bisyar-go tha

jahan par hai fasane se hamare
dimagh-e-ishq hum ko bhi kabhu tha

magar diwana tha gul bhi kaso ka
ki pairahan mein so jaga rafu tha

kahin kya baal tere khul gae the
ki jhonka baw ka kuchh mushkbu tha

na dekha 'mir' aawara ko lekin
ghubar ek na-tawan sa ku-ba-ku tha