salat-o-saum gae sab ibaadaten bhi gain tumhaare baad meri sab riyazaten bhi gain wo jashn-e-did wo mahki hui hasin shamen jo sath hum ne guzarin wo saaten bhi gain na teri zulf ki khushbu na wo tabassum hai jo tu ne ki thin kabhi wo riayaten bhi gain wo rang-o-bu wo surur-e-mahafil-e-yaran wo qurbaten bhi gain wo inayaten bhi gain wo teri shokh hansi khil-khilate wo lahje khayal-o-khwab hue to samaaten bhi gain na ratjage hain wo 'shahid' na ab wo bazm-e-sukhan wo sher sunne sunane ki aadaten bhi gain