wahshat thi wo ki apna gareban nahin raha aisi chali hawa ki charaghan nahin raha tujh ko bhula dun aisa kuchh imkan to nahin par dil mein teri yaad ka arman nahin raha har bar gardishon ki nazar mujh pe hi padi hairan hua hun yun ki main hairan nahin raha ek chaaragar ki chaaragari ka kamal hai kanta koi qarin-e-rag-e-jaan nahin raha gar kuchh karam kiye to sitam us se bhi siwa duniya ka mujh pe ab koi ehsan nahin raha go chhin gai qaba meri dastar bhi gai rab ka karam raha ki main uryan nahin raha