salib karb ki sar pe uthae phirta hun ghamon ko sine se apne lagae phirta hun wo ek aag hai aisi jo bujh nahin sakti use main sine mein apne dabae phirta hun rah-e-wafa mein koi ham-nawa nahin milta ana ka bojh akele uthae phirta hun koi to aae jo mere sawal hal kar de main aas ahl-e-karam se lagae phirta hun phati qaba mein shujaat ke padshahi ke main kaise shan se tamghe lagae phirta hun