sat-guru likh ya rahim-o-ram likh ek hai us ke hazaron nam likh aansuon se hasrat-e-nakaam likh koi khat aisa bhi us ke nam likh pi gaya jo zulmaton ko ghol kar ek dariya hai use gumnam likh chikhte lamhe sulagte roz-o-shab is sadi ko fitna-e-kohram likh jab nazar aaen tujhe jangal kate un ki barbaadi ko qatl-e-am likh uth shahidan-e-watan ki khak se apni peshani pe un ke nam likh chhat uda kar le gain jo aandhiyan muflison ki gham-zada wo sham likh tu diya hai pir ki dargah ka de bashaarat nur ki ilham likh aa chilam bhar hum faqiron ki 'raza' phir farogh-e-but-kada asnam likh