samaaton ko amin-e-nawa-e-raaz kiya
main be-sukhan tha mujhe us ne nai-nawaz kiya

wo apne-ap hi nadim hai warna hum ne to
talash us ki har ek baat ka jawaz kiya

ye us nigah ki imaiyat-pasandi hai
jo samne ki thin baaten unhen bhi raaz kiya

badan ki aag ko kahte hain log jhuti aag
magar us aag ne dil ko mere gudaz kiya

yahan hawa se bacha kar charag rakkhe hain
makan ke band darichon ko kis ne baz kiya