sanam ka nur dekha hai khuda ke nur ke badle hua hai dagh-e-dil raushan charagh-e-tur ke badle anal-haq ke ewaz lab se anal-mahbub jari ho chadhaen dar par mujh ko agar mansur ke badle jo dekhenge tere husn-e-jahan-ara ko mahshar mein khuda se log mangenge tujhi ko hur ke badle pas-e-murdan agar yaro mayassar ho to rakh dena kafan mein khak-e-ku-e-dil-ruba kafur ke badle khudaya ishq-e-but mein is qadar sakhti uthai hai ki pahlu mein hai ek patthar dil-e-ranjur ke badle