sanam ke hijr ka bimar main hun
usi ke ishq mein sarshaar main hun

rukh-e-dilbar hai raushan mah-e-taban
chakori ki tarah bedar main hun

liye phirta hun hathon par sar apna
nazar dilbar sar-e-bazar main hun

ghulam-e-khak-e-pa makhdum-sabir
fida-e-jaan sag-e-darbar main hun

bula lo ya alauddin mujh ko
tere rauze ka ek zawwar main hun

koi monis na hamdam aashna hai
ye farmao tera gham-khwar main hun