sar mein jab ishq ka sauda na raha
kya kahen zist mein kya kya na raha

ab to duniya bhi wo duniya na rahi
ab tera dhyan bhi utna na raha

qissa-e-shauq sunaun kis ko
raazdari ka zamana na raha

zindagi jis ki tamanna mein kati
wo mere haal se begana raha

dere dale hain khizan ne chau-des
gul to gul bagh mein kanta na raha

din dahade ye lahu ki holi
khalq ko khauf khuda ka na raha

ab to so jao sitam ke maro
aasman par koi tara na raha