sare jahan ko husn ka sail bana diya
jis dil ko tu ne dekh liya dil bana diya

shahan-e-waqt ka ye karishma to dekhiye
mazlum o be-gunah ko qatil bana diya

ek bekas-o-gharib ko kal raat shahr ne
patthar se mar mar ke ghail bana diya

ye to amir-e-waqt ka adna kamal hai
jahil ko aalimon ke muqabil bana diya

kuchh bhi ata ho husn ka sadqa ai jaan-e-jaan
'anjum' ko tere ishq ne sail bana diya