sarkar mere ishq ka mear dekhna
laya hun aap ke liye main kar dekhna

main chhik chhik kar hua bimar dekhna
niswar-e-waz dete ho miqdar dekhna

lakhon hue hain shahr mein be-kar dekhna
bawar na ho to aaj ka akhbar dekhna

arzan lage na dil mera to ai mere aziz
sau bar ja ke ishq ka bazar dekhna

kahta hai kaun shaikh ji maghrib pasand hain
patlun chust ke tale shalwar dekhna

'bulbul' ko chonch marne aao to soch kar
talwar si hai us ki bhi minqar dekhna