sehan-e-ainda ko imkan se dhoe jaen banjh hai qarya-e-jaan aaiye roe jaen us sehr-zadi ki peshani ko chumen jhumen khud mein khurshid banen shab mein piroe jaen ghadiyan kandhon pe rakhe ye mere ped se log subh se sham talak dhup ko dhoe jaen khwab-e-derina ka manzar bhi ajab manzar hai hum teri god mein jagen bhi to soe jaen dasht-e-dil mein koi pagdandi banaen us par dhundne jaen use dasht mein khoe jaen