shab-e-gham ki rawani mein raha hun musalsal raigani mein raha hun kisi ki yaad aansu ban gai thi main sari raat pani mein raha hun utar aaya mere ghar mah-e-kaamil sahar tak mezbani mein raha hun main ek jazba mohabbat nam mera azal se har kahani mein raha hun kai sahra kiye gulzar main ne dilon ki baghbani mein raha hun main apni muskurahat sath le kar kisi ki nauha-khwani mein raha hun