shafaq-e-shab se ubharta hua suraj sochen

shafaq-e-shab se ubharta hua suraj sochen
barf ki tah se koi chashma ubalta dekhen

raushni dhup hawa mil ke kiya sab ne nidhaal
ab tamanna hai kisi andhe kuen mein bhatken

jalte-bujhte hue is shahr pe kya kuchh likkha
aaj sab likkha hua aankh pe la kar rakh den

jaane kyun dubta rahta hun main apne andar
jaane kyun sujhti rahti hain ye ulti baaten

chhin len apni murawwat ka ye zina gar hum
aaj 'muztar' use aakash se girta dekhen


Don't have an account? Sign up

Forgot your password?

Error message here!

Error message here!

Hide Error message here!

Error message here!

OR
OR

Lost your password? Please enter your email address. You will receive a link to create a new password.

Error message here!

Back to log-in

Close