shahr-e-sadmat se aage nahin jaane wala
main teri zat se aage nahin jaane wala

tu bhi auqat mein rah mujh se jhagadne wale
main bhi auqat se aage nahin jaane wala

aise lagta hai meri jaan talluq apna
is mulaqat se aage nahin jaane wala

aaj ki raat hai bas nur ki kirnon ka jalal
dip is raat se aage nahin jaane wala

mere kashkol mein dal aur zara ijz ki main
itni khairaat se aage nahin jaane wala