shahr mein ek qatl ki afwah raushan kya hui
ek taraf takbir thi aur ek taraf jai ki pukar

khauf-o-dahshat ke asar se chand biphre naujawan
zindagi ko kar rahe the har taraf khul kar shikar

khun se luthdi hui lashen uthae god mein
aasman ki samt maen dekhti thin bar bar

jabr-o-istihsal ke is aatishin sailab mein
bah gae insaniyat ke lahlahate barg-o-bar

phir hua yun curfew ki khamushi ke darmiyan
dard mein dubi hui aai qalandar ki pukar