shahr mein tanha tha lekin karb-e-tanhai na tha
ghar se bahar rah ke main itna to saudai na tha

khud-bakhud hi dost ban kar bante hain dushman ye log
warna az-khud to mujhe zauq-e-shanasai na tha

teri nazron ne na jaane kitni izzat bakhsh di
mujh ko pahle to kabhi bhi khauf-e-ruswai na tha

is bhari duniya mein bas ek main tamasha ban gaya
aur shayad koi bhi tera tamannai na tha